لاہور: ڈولفن فورس اب سائیکلوں پر بھی گشت کرتی نظر آئے گی، پولیس حکام کا کہنا ہے کہ ڈولفن فورس کی سائیکل پٹرولنگ اہم عمارتوں کے اردگرد ہوگی۔
تفصیلات کے مطابق لاہور میں ڈولفن فورس کے جوان اسٹریٹ کرائم روکنے کے لیے اب سڑکوں پر ہیوی بائیکس کے ساتھ ساتھ سائیکلوں پر بھی گشت کریں گے۔
اعلیٰ افسران نے اس منصوبے کی کامیابی کا جائزہ لینے کے لیے بطور پائلٹ پراجیکٹ 25 سائکلیں منگوالی ہیں، پراجیکٹ کی کامیابی کے بعد منصوبہ باقاعدہ شروع کیا جائے گا۔
- Advertisement -
ڈولفن پولیس کے جوان ان سائیکلوں پر تنگ گلیوں، بازاروں، مارکیٹس اور رش والے مقامات پر گشت کریں گے۔ پولیس حکام کا کہنا ہے کہ ڈولفن ہیڈ کوارٹر میں اہلکاروں کی تربیت بھی کی جا رہی ہے، اور وہ جلد شہر کی سڑکوں پر سائیکلوں پر گشت کرتے نظر آئیں گے۔
