دبئی: انٹرنیشنل کرکٹ کونسل (آئی سی سی) کے جنرل منیجر وسیم خان کا کہنا ہے کہ ایسا نہیں لگتا کہ پاکستان ورلڈ کپ کے اپنے میچز بھارت میں کھیلے گا۔
ایشیا کپ کے لیے بھارتی ٹیم نے پاکستان آنے سے انکار کردیا ہے جبکہ پاکستان بھی ورلڈ کپ میچز بھارت میں کھیلنے سے انکار کرسکتا ہے۔
وسیم خان نے اے آر وائی نیوز سے گفتگو کرتے ہوئے کہا کہ مجھے نہیں لگتا کہ پاکستان ورلڈ کپ کے میچز بھارت کھیلے گا، پاکستان اپنے میچز یو اے ای میں بھی کھیل سکتا ہے یا ہوسکتا ہے کہ کوئی دوسرا نیوٹرل وینیو ہو۔
وسیم خان نے کہا کہ پاکستان کے ورلڈ کپ کے میچز کے لیے بنگلہ دیش بھی نیوٹرل وینیو کے طور پر ہوسکتا ہے کیونکہ یہ بھارت کے قریب ہے۔
"UAE might be an option” #ICC General Manager of Cricket #WasimKhan comments on the possibility of India playing their #AsiaCup fixtures at a neutral venue.#ARYNews #AsiaCup2023 pic.twitter.com/8QMa3NRNMP
— ARY NEWS (@ARYNEWSOFFICIAL) March 28, 2023
انہوں نے کہا کہ ایشیا کپ کے میچز کے لیے بھارتی ٹیم پاکستان نہیں آرہی ہے اس کے میچز یو اے ای میں ہونے کا امکان ہے۔
ایک سوال کے جواب میں وسیم خان نے کہا کہ بابر اعظم کو کپتان بنایا ہے تو انہیں سپورٹ بھی کرنا ہوگا، وہ قیادت کے گُر ابھی سیکھ رہے ہیں۔
وسیم خان نے ٹی 20 سیریز میں افغان ٹیم کی تعریف کی اور کہا کہ افغانستان کی ٹیم پاکستان سے پہلے کافی قریب آکر میچز ہاری اس مرتبہ نتیجہ مختلف تھا وہ جیت کے مستحق تھے۔