کراچی: ڈاو یونیورسٹی کی انتظامیہ نے ترقیاتی کاموں کی فیس کا بوجھ بھی طلبہ پر ڈال دیا ہے ساتھ ہی دیگر فیسوں میں اضافہ کیا ہے۔
تفصیلات کے مطابق ڈاؤ یونیورسٹی نے فیسوں میں اضافہ کردیا، ڈاو یونیورسٹی آف ہیلتھ سائنسز میں بی ایس اور پروفیشنل پروگرام کے فیس شیڈول کی منظوری دیدی۔
ذرائع کے مطابق بی ایس پروگرام کی امتحانی فیس 5 ہزار روپے فی سیمسٹر مقرر کی گئی ہے، مشترکہ مارک شیٹ فیس 3 ہزار روپے جبکہ ٹرانسپورٹ نکلوانے کی صورت میں طلبہ کو 3 ہزار روپے فیس ادا کرنی ہوگی۔
ذرائع کا بتانا ہے کہ ہاسٹل سیکیورٹی ڈپوزٹ فیس 25 ہزار، نرسنگ ہاسٹل فیس 40 ہزار روپےکردی گئی جبکہ طلبہ کو ہاسٹل سیکیورٹی ڈپوزٹ فیس 25 ہزار روپے ادا کرنے ہوں گے۔
کسی امتحان میں گیپ آنے کی صورت میں 10 ہزار روپے، ڈگری فیس 4 ہزار ر وپے، داخلہ منسوخ کرانے پر ایک سال کی ٹیوشن فیس ادا کرنی ہوگی۔
ذرائع نے بتایا کہ پروفیشنل پروگرام میں داخلہ منسوخ کرانے کی صورت میں 3 لاکھ روپے کٹوتی ہوگی، غیر نصابی سرگرمی میں فیس ہر طالبعلم کو 10ہزار روپے ادا کرنے ہوں گے۔
پروفیشنل پروگرام میں سیلف فنانس کی نشست پر داخلہ منسوخ کرانے کی صورت میں5 لاکھ روپے کٹوتی ہوگی اور اوورسیز طالبعلموں کو 5 ہزار یو ایس ڈالر کے برابر کٹوتی کی جائے گی۔
