The news is by your side.

موسم سرما میں خشک میوہ جات : فوائد اور نقصانات کیا ہیں؟

سردیوں میں خشک میوہ جات کے استعمال کے فائدوں کے ساتھ ساتھ نقصانات بھی ہوسکتے ہیں ان میں شوگر اور کیلوریز بہت زیادہ مقدار میں ہوتی ہیں۔

شوگر سے ذیابیطس کے مریضوں کا بلڈ شوگرلیول بڑھ سکتا ہے اور کچھ میوہ جات میں نمک کا استعمال کا کیا جاتا ہے جو بلڈ پریشر کے مریضوں کےلیے نقصان دہ ہوسکتا ہے۔

سرد موسم کی آمد کے ساتھ ہی بازاروں میں بادام، پستہ، اخروٹ، کاجو، مونگ پھلی، چلغوزے، خوبانی، ناریل، کشمش، انجیر اور دیگر خشک میوہ جات کے ڈھیر نظر آنے لگتے ہیں۔

خشک میوہ جات کو قدرت کا بہترین تحفہ کہا جائے تو غلط نہ ہوگا کہ یہ نہ صرف غذائیت بلکہ ذہنی اور جسمانی توانائی کا بھی اہم سبب ہیں۔

موسم سرما میں خشک میوہ جات کا استعمال بڑھ جاتا ہے لیکن کچھ لوگ اس میں موجود چکنائی سے بھی خوف زدہ ہوجاتے ہیں لیکن پریشان ہونے کی ضرورت نہیں ہے۔

خشک میوہ جات میں بالخصوص بادام ایک ایسی غذا ہے جس میں موجود چکنائی صحت بخش ہے، جو دل اور کولیسٹرول کے لیے بے حد مفید ہے۔

اگرچہ خشک میوہ جات ہماری صحت کے لیے مفید ہوتے ہیں لیکن ان کا زیادہ استعمال ہماری صحت کو خراب بھی کرسکتا ہے اگر ہم انہیں روز کھانے میں استعمال کرتے ہیں تو ان کا استعمال مناسب مقدارمیں ہی کرنا بہتر رہے گا۔

ڈرائی فروٹ کو کھاتے ہوئے کسی چھوٹی پیالی کا انتخاب کریں کیونکہ اس طرح ہم ڈرائی فروٹ کم مقدار میں کھائیں گے، اس میں کیلوریز بہت زیادہ ہوتی ہیں اور زیادہ کیلوریز ہمارے وزن میں اضافے کا سبب بنتی ہے۔

خشک میوہ جات اپنے ذائقے اور لذت کے حوالے سے جہاں ہر عمر کے لوگوں میں پسند کیے جاتے ہیں، وہیں انھیں فائبر اور دیگر غذائی عناصر کی وجہ سے انسانی صحت کے لیے مفید سمجھا جاتا ہے ، لہٰذا اللہ تعالیٰ کی عطا کردہ نعمتیں ضرور کھائیں مگر اعتدال کے ساتھ۔

Comments

یہ بھی پڑھیں