شوبز انڈسٹری کی معروف اداکارہ درفشاں سلیم کی سالگرہ کی تصاویر وائرل ہوگئیں۔
فوٹو اور ویڈیو شیئرنگ ایپ انسٹاگرام پر اداکارہ درفشاں سلیم نے اپنی تصاویر شیئر کیں جس میں انہیں خوشگوار موڈ میں سیلفی لیتے دیکھا جاسکتا ہے۔
ایک تصویر میں چاکلیٹ کیک بھی نمایاں ہے جس میں ’ہیپی برتھ ڈے دری‘ لکھا ہے۔
اداکارہ نے پوسٹ شیئر کرتے ہوئے کیپشن میں بتایا کہ وہ 28 برس کی ہوگئی ہیں اور آج کی تاریخ لکھتے ہوئے مداحوں سے دعاؤں کی درخواست کی۔
درفشاں سلیم کو شوبز شخصیات اور مداحوں کی جانب سے سالگرہ کی مبارک باد دی جارہی ہے۔
اداکارہ سوشل میڈیا پر کافی متحرک رہتی ہیں اور گاہے بگاہے اپنی تصاویر شیئر کرتی رہتی ہیں جسے ان کے مداح بھی پسند کرتے ہیں۔
درفشاں سلیم نے ان سے قبل بھی تصاویر شیئر کی تھیں جو وائرل ہوگئی تھیں۔
واضح رہے کہ گزشتہ دنوں انٹرویو میں درفشاں سلیم نے بتایا تھا کہ میرا تعلق لاہور سے ہے اداکاری کرنے کے لیے کراچی آئی آڈیشن دینا شروع کیے اور سلیکٹ ہوگئی یہ نہیں جانتی تھی کہ مختصر کردار کرنا ہے یا مرکزی کردار نبھانا ہے بس اداکارہ بننے کا جنون تھا۔
اداکارہ کا کہنا تھا کہ پہلا ڈرامہ ہانیہ عامر کے ساتھ کیا جس میں ڈارک میک اپ کیا گیا تھا جب اس کی قسط دیکھی تو خود سے کہا کہ یہ میں نے کیا کرلیا اب مجھے کام نہیں ملنے والا لیکن بعد میں آڈیشن دینے گئی تو کہا گیا کہ آپ نے رنگ گورا کرنے کے لیے ٹیکے لگوائے ہیں میں نے کہا کہ نہیں ایسا نہیں ہے۔
درفشاں سلیم نے بتایا تھا کہ اس کے بعد ڈرامہ سیریل ’بھڑاس‘ اور ’پردیس‘ میں اداکاری کے جوہر دکھائے جسے مداحوں کی جانب سے خوب سراہا گیا۔
ان کا کہنا تھا کہ میرے ڈراموں کے اسکرپٹ والدہ پڑھتی ہیں، ’کیسی تیری خود غرضی‘ کا اسکرپٹ والدہ تک نہیں پہنچا تھا، والدہ کو پڑھنے کا شوق ہے تو وہ پڑھ کر مجھے سمجھا دیتی ہیں۔
واضح رہے کہ درفشاں سلیم نے حال ہی میں اے آر وائی ڈیجیٹل کے ڈرامہ سیریل ’جیسے آپ کی مرضی‘ میں ’علیزے‘ کا کردار نبھایا تھا جس میں ان کے ہمراہ میکال ذوالفقار مرکزی کردار میں شامل تھے۔
