آسان الفاظ میں یوں کہ سکتے ہیں کہ میلاٹون نیند کا ہارمون ہے جو جسمانی نظام کو صحیح طرح سے چلانے کے لئے نہایت ضروری ہے،میلاٹونن ہارمون کا اخراج پائنل غدود سے ہوتا ہے ۔
میلاٹونن ایک مٹر کے سائز کا غدود ہوتا ہے جو کے دماغ کے بالکل درمیان میں پایا جاتا ہے، یہ آپ کے جسم میں سونے او ر جاگنے کے وقت کا تعین کرتا ہے۔
عام طور پر آپ کا جسم رات کو زیادہ میلاٹون بناتا ہے سورج غروب ہونے کے بعد یہ سطح عام طور پر شام میں بڑھنا شروع ہو جاتی ہے۔ میلاٹون اچھی نیند کے لیے بے حد ضروری ہے، یہ سورج کی روشنی کے ساتھ کام کرتا ہے، جب سورج غروب ہوتا ہے تو زیادہ میلاٹونن بنتا ہے اور جب سورج اوپر آتا ہے تو یہ کم ہوجاتا ہے۔
محققین کے مطابق غذا میں میلاٹونن کو شامل کرنے سے نیند بہتر ہو سکتی ہے، اس بات کے بہت کم ثبوت ہیں کہ میلاٹونن دائمی بے خوابی کے خلاف موثر ہے۔ لیکن اگر آپ جیٹ لیگ کا سامنا کر رہے ہیں، تو اس سے آپ کو نیند کے معمول پر واپس آنے میں مدد مل سکتی ہے۔ اس ضمن میں میلاٹون سپلیمنٹس بھی لیے جاسکتے ہیں تاہم قدرتی غذاؤں سے اسے حاصل کرنا نہایت آسان ہونے کے ساتھ صحت بخش بھی ہے۔
کھٹی چیری
کھٹی چیری کا جوس نیند لانے کے لیے سب سے زیادہ مشہور غذا میں سے ایک جانا جاتا ہے۔ محققین کے مطابق یہ جسم میں میلاٹونن کی سطح کو بڑھاکر اور نیند کو بہتر بناتا ہے۔
انڈے
انڈے میلاٹون کے بہترین ذرائع میں سے ایک ہیں، انڈے بھی انتہائی غذائیت سے بھرپور ہوتے ہیں، جو دیگر ضروری غذائی اجزا کے علاوہ پروٹین اور آئرن بھی پیش کرتے ہیں۔
دودھ
گرم دودھ بے خوابی کا روایتی علاج ہے، اس لیے اس میں میلاٹون کی مقدار زیادہ ہونا کوئی تعجب کی بات نہیں ہے۔ اگر آپ ڈیری مصنوعات کو پسند کرتے ہیں تو یہ ایک اچھا آپشن ہوسکتا ہے۔
مچھلی
مچھلی دیگر گوشت کے مقابلے میلاٹونن کا بہتر ذریعہ ہے، بہترین اختیارات تیل والی مچھلی ہیں جیسے سالمن اور سارڈینز، جو قیمتی اومیگا 3 فیٹی ایسڈ بھی فراہم کرتی ہیں۔