اسلام آباد: اقتصادی رابطہ کمیٹی نے بجلی کی قیمتوں میں اضافے کا فیصلہ مؤخر کر دیا.
تفصیلات کے مطابق آج وزیرخزانہ اسدعمر کی زیرصدارت اقتصادی رابطہ کمیٹی کا اہم اجلاس ہوا، وزیرتوانائی عمرایوب نے تفصیلی بریفنگ دی.
کمیٹی کی جانب سے نیپرا اور پاور ڈویژن کو آئندہ پانچ سال کے لئے جامع منصوبہ بندی کی ہدایات جاری کی گئیں.
ساتھ ہی بلز کی 100 فی صد وصولی یقینی بنانے اور ترسیل وتقسیم کے نقصانات کم سے کم کرنے کی ہدایت کی ہے.
اقتصادی رابطہ کمیٹی نے مشاورت کے بعد آئندہ اجلاس تک بجلی کی قیمتوں میں اضافے کا فیصلہ مؤخر کر دیا. واضح رہے کہ نیپرا نے 3 روپے75 پیسےفی یونٹ اضافے کی تجویزدی تھی.
مزید پڑھیں : گیس قیمتوں میں اضافے کا بوجھ غریبوں نہیں امیروں پر ڈالا گیا، وزیرِ خزانہ
یاد رہے کہ گذشتہ روز اپوزیشن لیڈر شہباز شریف نے وفاقی حکومت کو گیس کی قیمتوں میںاضافے پر شدید تنقید کا نشانہ بنایا گیا تھا.انھوں نے مطالبہ کیا تھا کہ گیس کی قیمتوں میں اضافےکوفوری واپس لیاجائے.
وفاقی وزیرِ خزانہ اسد عمر نے شہباز شریف کی تقریر پر ردِ عمل دیتے ہوئے کہا تھا کہ گیس قیمتوں میں اضافے کا بوجھ غریبوں پر نہیں، بلکہ امیروں پر ڈالا گیا ہے، اضافے سے عام صارف متاثر نہیں ہوگا۔
