Egypt Mosque Attackمصر: مسجد میں دھماکہ ،تحقیقات جاری،متعددافراد گرفتار
The news is by your side.

Advertisement

مصر: مسجد میں دھماکہ ،تحقیقات جاری،متعددافراد گرفتار

قاہرہ : مصرکے صوبے سینا میں مسجدپرحملے کی تحقیقات جاری ہیں، سیکورٹی فورسزکی کارروائیوں میں متعددمشتبہ افراد کوگرفتارکرلیا گیا۔

تفصیلات کے مطابق مصرکے صوبے سینا میں دہشتگردی کا اندو ہناک واقعہ کی تحقیقات جاری ہیں ، سیکورٹی فورسز نے کارروائیوں کے دوران متعدد مشتبہ افراد کو گرفتار کرلیا۔

سینا کی مسجد پرحملے کے بعد فضا سوگوارہے اور ملک میں تین روز سوگ کا اعلان کیا گیا ہے، متاثرہ علاقے میں ایمرجنسی نافذ ہے۔

حملے کے متعدد زخمیوں کی حالت تشویشناک ہےجبکہ حکام نے جاں بحق افراد کی تعداد میں اضافے کا خدشہ ظاہرکیا ہے

مصرکے صدرالسیسی نے دہشتگردی کے خاتمے کا عزم کرتے ہوئے حملے کے ذمہ داروں کوکیفرکردارتک پہنچانے کا اعلان کیا۔


قاہرہ: نماز جمعہ کے دوران دھماکہ، 235 افراد شہید


واضح رہے کہ مصرکے صوبے سینا میں نماز جمعہ کی ادائیگی کے دوران دہشت گردوں نے مسجد پرحملہ کر کے درجنوں نمازیوں کو شہید کردیا تھا جبکہ دھماکے کے فوری بعد 50 سے زائد ایمبولینس موقع پر پہنچیں تو دہشت گردوں نے زخمی اور لاشیں لے جانے والی ایمبولینس کو بھی نشانہ بنایا تھا۔

مسجد میں دھماکے اورفائرنگ سے دوسوپینتیس افراد جاں بحق اورسوسے زائد زخمی ہوئے تھے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Comments

comments

یہ بھی پڑھیں