واشنگٹن: الیکشن فراڈ کیس میں جج تانیا چُٹکن کو ہٹانے اور کیس واشنگٹن سے کہیں اور منتقلی کے ٹرمپ کے مطالبے پر ڈسٹرکٹ آف کولمبیا کی ضلعی عدالت نے کوئی ردعمل نہیں دیا۔
تفصیلات کے مطابق سابق امریکی صدر ڈونلڈ ٹرمپ نے 6 جنوری حملہ کیس کی سماعت کرنے والی جج تانیا چُٹکن پر اعتراض کر دیا ہے، ٹرمپ نے یہ مطالبہ بھی کیا ہے کہ ان کے خلاف ووٹنگ پر واشنگٹن ڈی سی سے کیس کہیں اور منتقل کیا جائے۔
دوسری طرف ٹرمپ کے مطالبے پر ڈسٹرکٹ آف کولمبیا کی ضلعی کورٹ نے کوئی ردعمل نہیں دیا ہے، خیال رہے کہ سابق صدر پر کیپٹل حملہ اور خفیہ دستاویزات کیسز میں فرد جرم عائد ہو چکی ہے، اور وہ دوبارہ صدارتی انتخاب لڑنے کے لیے ریپبلکنز نمائندگی حاصل کرنے کے لیے کوشاں ہیں۔
ٹرمپ نے الیکشن فراڈ کیس میں جج تانیا چُٹکن کو ہدف بنا لیا
ریپبلکن رہنما ساجد تارڑ نے جج پر ٹرمپ کے اعتراض کو درست قرار دے دیا ہے، جب کہ ڈیموکریٹ رہنما کا کہنا ہے کہ ٹرمپ کیس میں تاخیر کے بہانے ڈھونڈ رہے ہیں۔