اسلام آباد : قائد ایوان کیلئے اتحادی جماعتوں کےامیدوارشہبازشریف اور سنی اتحاد کونسل کے امیدوار عمر ایوب کے کاغذات نامزدگی جمع کرادیئے گئے۔
تفصیلات کے مطابق قائد ایوان کیلئے اتحادی جماعتوں کےامیدوارشہبازشریف کے کاغذات نامزدگی جمع کرادیئے گئے۔
شہبازشریف کےکاغذات نامزدگی سیکرٹری قومی اسمبلی کےآفس میں جمع کرائے گئے ، اسحاق ڈار،طارق فضل چوہدری،حنیف عباسی اور دیگر ارکان نے کاغذات جمع کرائے۔
شہبازشریف کےکاغذات نامزدگی کیساتھ7افراد تجویزکنندہ اور7 تائیدکنندہ ہیں۔
دوسری جانب قائد ایوان کیلئے سنی اتحاد کونسل کے امیدوار کے کاغذات جمع کرانے وفد سیکرٹری آفس پہنچا، اسد قیصر،علی محمدخان، عامر ڈوگر، جنید اکبر سیکرٹری قومی اسمبلی آفس گئے۔
سنی اتحادکونسل نےعمرایوب کےوزیراعظم کےکاغذات نامزدگی جمع کرادئیے، اسدقیصر،علی محمد خان، عامر ڈوگر اور جنید اکبر نے کاغذات نامزدگی جمع کرائے۔
وزیراعظم کیلئےکاغذات نامزدگی آج 2بجے تک سیکرٹری کےپاس جمع ہوں گے، کاغذات نامزدگی کی جانچ پڑتال اسپیکر آفس میں سہ پہر3 بجےہوگی جبکہ وزیراعظم کا انتخاب کل صبح 11بجے ہوگا۔
