سپریم کورٹ کے فیصلے کے مطابق پنجاب میں 14 مئی کو انتخاب کے لیے الیکشن کمیشن نے فنڈز اور سیکیورٹی پلان کے لیے الیکشن کمیشن نے رابطوں کا فیصلہ کیا ہے۔
اے آر وائی نیوز کے مطابق سپریم کورٹ کے حکم کے مطابق الیکشن کمیشن نے پنجاب میں 14 مئی کو انتخابات کا شیڈول جاری کر دیا ہے اور اب انتخابات کے لیے درکار فنڈز اور سیکیورٹی پلان کے لیے اس نے متعلقہ حکومتی اداروں سے رابطوں کا فیصلہ کیا ہے۔
ذرائع کا کہنا ہے کہ الیکشن کمیشن پنجاب میں انتخابات کرانے کے لیے درکار فنڈز کیلیے وزرات خزانہ کو خط لکھے گا۔
الیکشن کمیشن کے ذرائع کا کہنا ہے کہ انتخابات کے لیے 21 ارب روپے درکار ہیں جو مرحلہ وار ملنے کا امکان ہے۔
ذرائع نے یہ بھی بتایا کہ الیکشن کمیشن سیکیورٹی پلان کیلیے پنجاب حکومت سے رابطہ کرے گا اور اس کو صوبے میں 17 اپریل تک سیکیورٹی پلان فائنل کرنے کی ہدایت کی جائے گی۔
