بجلی صارفین پر ایک اور اضافی بوجھ ڈالنے کی تیاری

اسلام آباد : بجلی 3 روپے 53 پیسے فی یونٹ مزید مہنگی ہونے کا امکان ہے ،سی پی پی اے کی درخواست پر نیپرا 29 نومبر کو سماعت کرے گا۔

تفصیلات کے مطابق بجلی صارفین پر چالیس ارب روپے کا ایک اور اضافی بوجھ ڈالنے کی تیاری کرلی گئی ہے۔

ذرائع نے بتایا کہ بجلی تین روپے تریپن پیسے فی یونٹ مزید مہنگی ہونے کا خدشہ ہے، سی پی پی اے نے بجلی مہنگی کرنے کیلئے نیپرا میں درخواست دائر کر دی ہے۔

اضافہ اکتوبر دو ہزار تئیس کی ماہانہ فیول ایڈجسٹمنٹ کی مد میں مانگا گیا ہے، سی پی پی اے کی درخواست پر نیپرا انتیس نومبر کو سماعت کرے گا۔

پورے اضافے سے سیلز ٹیکس سمیت بجلی صارفین پر تقریباً چالیس ارب کا بوجھ آئے گا تاہم بجلی کی قیمت میں اضافے کا اطلاق کے الیکٹرک صارفین پر نہیں ہوگا۔

Comments