دبئی کی فلیگ شپ ایئر لائن، ایمریٹس نے ایک اور اعزاز اپنے نام کرلیا، ایمریٹس کوایئر لائن ریٹنگز 2024 ایئر لائن ایکسیلنس ایوارڈز میں بہترین انفلائٹ انٹرٹینمنٹ ایوارڈکا عالمی فاتح قرار دیا گیا۔
بین الاقوامی خبر رساں ادارے کی رپورٹ کے مطابق ایمریٹس کو عالمی ایئر لائنز کی ایک وسیع فائنل فہرست میں سے ان فلائٹ تفریح کے لیے ایوارڈ کے لیے منتخب کیا گیا تھا۔
واضح رہے کہ متحدہ عرب امارات کی ایمریٹس ایئر لائن کا انفلائٹ انٹرٹینمنٹ میں سفر تقریباً 30 سال قبل شروع ہوا جب یہ اکانومی کلاس مسافروں کے لیے سیٹ بیک ویڈیوز متعارف کرانے والی پہلی ایئر لائنز میں سے ایک تھی۔
اس کے علاوہ اس وقت ایمریٹس ایئر لائن کے پاس 6,500 چینلز کی عالمی معیار کی تفریحی لائبریری موجود ہے جس میں 2024 اکیڈمی ایوارڈ یافتہ فلموں سمیت 2,000 سے زیادہ ہالی ووڈ اور بین الاقوامی سطح پر کامیاب ہونے والی فلمیں شامل ہیں۔
مسجد الحرام میں روزانہ زائرین و معتمرین کیلئے 2400 افطار دسترخوانوں کا اہتمام
ایئرلائن کے مطابق وہ اپنے پرواز کے مواد کو ماہانہ اپ ڈیٹ کرتی ہے، جس وقت وہ سوار ہوتے ہیں اس کی لائبریری میں فلمیں، ٹی وی شوز، پوڈ کاسٹ اور میوزک چینلز شامل کئے جاتے ہیں، بغیر کسی رکاوٹ کے سفر کے تجربے کو زیادہ سے زیادہ با سہولت اور پر وقار بناتے ہیں۔
