سعودی دارالحکومت کو محفوظ رکھنے کے لیے بڑا قدم

ریاض: سعودی دارالحکومت ریاض کو ماحولیاتی آلودگی سے محفوظ رکھنے کے لیے شہر میں صفائی کی بڑی مہم چلائی گئی۔

تفصیلات کے مطابق ریاض میونسپلٹی کے تحت عید الاضحیٰ کے موقع پر شہر کو ماحولیاتی آلودگی سے صاف رکھنے کے لیے صفائی کی وسیع مہم چلائی گئی۔

سبق ویب سائٹ کے مطابق میونسپلٹی نے اس مہم کے دوران 1980 دورے کیے، شہر میں تمام سلاٹر ہاؤسز کے علاوہ سبزی منڈی اور بکرا منڈی کے بھی دورے کیے گئے۔

بلدیہ کے مطابق مہم میں مجموعی طور پر 848 صفائی کارکنوں کی خدمات حاصل کی گئی تھیں، اور شہر بھر میں اسپرے کیا گیا۔

میونسپلٹی کا کہنا ہے کہ صفائی مہم میں 300 مختلف قسم کے آلات استعمال کیے گئے، اور ریکارڈ وقت میں آلائشیں صاف کی گئیں۔

Comments