ترک صدر رجب طیب اردوان کی اپنے محافظ کی طرف سے پیش کردہ پانی پینے سے انکار کی ویڈیو سوشل میڈیا پلیٹ فارمز زیربحث ہے۔
ویڈیو میں دیکھا جاسکتا ہے کہ عوامی اجتماع میں صدر اردگان نے اپنے محافظ سے پانی پینے سے انکار کر دیا اور اسے واپس کر دیا تاہم اپنے بیٹے بلال اردگان کے ہاتھ سے گلاس لے کر پانی پی لیا۔
یہ سمجھ میں نہیں آیا کہ ترکی کے صدر نے پہلے پانی پینے سے کیوں انکار کیا؟ جب کہ مقامی میڈیا کا کہنا ہے کہ یہ معاملہ "سیکیورٹی اقدام” سے متعلق تھا۔
Murat Yetkin: Erdoğan korumasının verdiği suyu içmedi; suikast korkusu mu?
— Gazete Pencere (@gazetepencere) May 23, 2023
مقامی میڈیا رپورٹس کے مطابق یہ واقعہ اردگان کی صدارتی انتخابات کے دوسرے راؤنڈ کی تیاری کے لیے صوبہ ہاتائے میں ایک سیاسی سرگرمی میں شرکت کے دوران پیش آیا۔
مختصر دورانیے کی ویڈیو میں دیکھا جا سکتا ہے کہ صدر اردوان کو محافظ کی جانب سے پانی پیش کیا گیا تو انہوں نے گلاس تھامنے سے انکار کیا، اس صورتحال پر گارڈز نے پانی کا گلاس صدر کے بیٹے کو دیا تا کہ وہ پیش کریں۔
بیٹے بلال نے صدر کو پانی پیش کیا تو طیب اردوان نے پیچھے مڑ کر بیٹے کو دیکھ کر تسلی کی اور پھر پانی پی لیا۔
