برسلز: یورپین یونین نے برطانیہ سے آئندہ تعلقات کے لیے سفارشات بھجوا دیں۔
غیرملکی میڈیا کی رپورٹ کے مطابق سربراہ ٹاسک فورس یورپ کارمشل بارنئیے نے شفارشات سے متعلق پریس کانفرنس کی، اس موقع پر انہوں نے بتایا کہ یورپین یونین نے برطانیہ سے آئندہ تعلقات کے لیے سفارشات بھجوا دی ہیں۔
ان کا کہنا تھا کہ یورپین کونسل کے ذریعے ممبران کو سفارشات روانہ کی گئی ہیں، نئے تعلقات پر باضابطہ گفتگو کے آغاز کے لیے کمیشن کو اجازت دیں، سفارشات یورپین کونسل کی پہلے سے طے شدہ ہدایات کے تحت ہی ہیں۔
سفارشات میں اقتصادی، معاشی، قانونی معاملات، خارجہ امور اور سیکیورٹی سمیت دفاعی معاملات بھی شامل ہیں۔ برطانیہ اور یورپ کی علیحدگی کے بعد منتقلی کی مدت میں 31دسمبر تک یورپ کا قانون ہی نافذ رہے گا۔
نئی تاریخ رقم، برطانیہ یورپی یونین سے علیحدہ ہو گیا، ملک بھر میں جشن
تجزیہ کاروں کا کہنا ہے کہ یورپی یونین میں موجود جنوبی ایشیا کے تاجر کسٹم یونین کے خاتمے سے متاثر ہوں گے۔ یاد رہے کہ برطانیہ یکم فروری کو یوپی یونین سے الگ ہوا، اس تاریخی علیحدگی کے بعد ملک بھر میں جشن بھی منایا گیا۔
خیال رہے کہ برطانیہ یورپی یونین کا 47 برس تک ممبر رہا، اور بریگزٹ کی جدوجہد میں تین سال لگے، برطانیہ کو یورپ سے نکالنے کی ڈیل کے حق میں 621 اور مخالفت میں 49 ووٹ آئے تھے، یورپی پارلیمنٹ نے بریگزیٹ ڈیل کی بھاری اکثریت سے منظوری دی تھی جب کہ برطانوی پارلیمنٹ اور دارالامرا بھی یورپی یونین سے علیحدگی کی قرارداد منظور کر چکے تھے اور ملکہ برطانیہ بھی یورپی یونین سے علیحدگی کی منظوری دے چکی تھیں۔
