کراچی : شارع فیصل پر رکشہ ڈرائیور کو گولی مارنے کے واقعے کےعینی شاہد نے کہا ہے کہ وکیل کالباس پہنے شخص نے رکشہ ڈرائیورکوبےدردی سے گولی ماری۔
تفصیلات کے مطابق کراچی کے علاقے شارع فیصل پر رکشہ ڈرائیور کو گولی مارنے کے واقعے کے عینی شاہد کا ویڈیو بیان سامنے آگیا۔
عینی شاہد نے کہا کہ میں نےدیکھا ایک شخص نے وکیل کالباس پہناہواتھا، فائرنگ کرنےوالےکےساتھ خاتون بھی موجودتھی، اس شخص نے رکشہ ڈرائیور کو بے دردی سےگولی ماری۔
عینی شاہد کا کہنا تھا کہ رکشہ ڈرائیورکے ساتھ لائن سے نکالنے پر تلخ کلامی ہوئی، رکشہ ڈرائیورنےکہا تم نے میری روزی کیوں خراب کی۔
عینی شاہد کا کہنا ہے شہری نےایک رکشےوالے سے کہیں جانےکی بات کی پھردوسرے رکشے میں بیٹھ کرجانےلگا جس پرجھگڑا ہوگیا۔
عینی شاہد نے مزید بتایا کہ وکیل میٹرو شاپنگ مال سے نکلا تھا،2 پستول موجودتھے، فائرنگ کےبعدمیں نے15مددگارپرفون کال کی۔