کراچی : سابق وفاقی وزیر فیصل واوڈا کا کہنا ہے کہ جس وقت آرمی چیف نے کمان سنبھالی اس وقت ملک ڈیفالٹ کی طرف جارہاتھا، ان کی کاوشوں سے بیرونی سرمایہ کاری پاکستان میں آرہی ہے۔
تفصیلات کے مطابق جنرل حافظ سید عاصم منیر کو افواجِ پاکستان کی قیادت سنبھالے ایک سال مکمل ہوگیا، سابق وزیر فیصل واوڈا نے اے آر وائی نیوز کے پروگرام باخبر سویرا میں گفتگو کرتے ہوئے کہا کہ اللہ کی مہربانی ہےہماراسپہ سالارحافظ قرآن ہے۔
فیصل واوڈا کا کہناتھا کہ آرمی چیف نیک نیت آدمی ہیں، جس وقت آرمی چیف آئےملک ڈیفالٹ کی طرف جارہاتھا، آرمی چیف بیرونی سرمایہ کاری پاکستان میں لارہےہیں، ان کی کوششوں سےپیٹرول کی قیمتیں ایک سال میں نیچےآئیں۔
سابق وزیر نے کہا کہ ایک آدمی اگراچھاکام کررہاہےتوسراہناچاہیے، اس وقت پاکستان کےمسائل ختم ہورہےہیں، عوام کوفائدہ ہورہاجوکوئی سیاسی پارٹی نہیں کرسکتی۔
ان کا کہنا تھا کہ ملک کسی ایڈونچر کا متحمل نہیں ہوسکتا، آزمائے ہوئے لوگوں کو کیا آزمائیں گے، پہلی دفعہ دیکھ رہےہیں تمام مسالک کے لوگ چیف کے ساتھ لبیک کہہ رہے ہیں۔
