سابق سینیٹر فیصل واوڈا کا ن لیگی رہنما عظمیٰ بخاری کے بیان پر رعمل آگیا۔
سماجی رابطے کی ویب سائٹ ایکس (ٹوئٹر) پر سابق سینیٹر فیصل واوڈا نے لکھا کہ ’میں بزدار ٹو کی خدمت گزار اور ذاتی کنیز کو جواب دینا اپنی توہین سمجھتا ہوں۔‘
انہوں نے لکھا کہ کسی قابل انسان نے بزدار ٹو سے متعلق سیاسی سوال اٹھایا تو جواب ضرور دوں گا البتہ آپ کنیز کی اپنی زبانی ساری باتیں سن لیں وہ درست کہہ رہی ہیں۔
فیصل واوڈا نے عظمیٰ بخاری کا ن لیگ کے خلاف پرانا بیان بھی شیئر کردیا جس میں وہ کہہ رہی ہیں ابھی تو ن لیگ کی چیخیں نکلنا شروع ہوئی ہٰں ابھی تو اور بھی نکلیں گی، ڈیڑھ سال کی بات ہے حدیبیہ، اتفاق فاؤنڈری کیس بھی کھُلنا ہے۔
انہوں نے لکھا کہ ’را سے لے کر ہر غلیظ الزام ن لیگ کے بارے میں کنیز خود کہہ رہی ہیں میں نہیں۔‘
اس سے قبل عظمیٰ بخاری کا کہنا تھا کہ فیصل واوڈا کو اپنی دماغی حالت کا معائنہ کرانا چاہئے، وہ بیان بازی کرکے میڈیا میں زندہ رہنے کی کوشش کررہے ہیں۔
عظمیٰ بخاری کا کہنا تھا کہ جو خودکونسلرنہیں بن سکتااسےدوسروں پرتنقید کا حق نہیں، فیصل واوڈا بیان بازی کرکےمیڈیا میں زندہ رہنےکی کوشش کررہے ہیں۔
ن لیگی رہنما نے کہا تھا کہ فیصل واوڈا جیسے لوگوں ماضی بن چکے اسی لئے ڈپریشن میں باتیں کرتے ہیں۔
