کراچی : ایف آئی اے کی ٹیم نے کراچی ایئر پورٹ پر کامیاب کارروائی کرتے ہوئے جعلی دستاویزات پر سفر کرنے والے دو مسافروں کو پکڑ کر جہاز سے اتار دیا۔
اس حوالے سے ذرائع کا کہنا ہے کہ کراچی ائیرپورٹ پر ایف آئی اے امیگریشن کے عملے نے کارروائی کی ہے اس دوران جعلی سفری دستاویزات پر مسافروں کو آف لوڈ کردیا گیا۔
- Advertisement -
ترجمان ایف آئی اے نے میڈیا کو بتایا ہے کہ امیگریشن کلیئرنس کے دوران عاطف ندیم اور محمد برہان نامی دو مسافروں نے جعلی سفری دستاویزات پیش کیں۔
مذکورہ دونوں مسافروں کی جانب سے پیش کئے جانے والے پاسپورٹس پر جعلی شینگن ویزے لگے ہوئے تھے۔ ملزمان انٹرنیشنل ائیر لائن سے ترکی جانے کی کوشش کررہے تھے۔
مزید پڑھیں : جعلی پاسپورٹ پر برطانیہ جانے والا افغان مسافر گرفتار
ترجمان ایف آئی اے کا کہنا ہے کہ ملزمان کو حراست میں لے کر قانونی کارروائی کے لیے ایف آئی اے اینٹی ہیومن ٹریفیکنگ سرکل کراچی کے حوالے کردیا گیا ہے۔
