اسلام آباد: نیب پشاور کو جعلی اہلکار سامنے آنے کی شکایات موصول ہوئی ہے، شہریوں کو مختلف نمبروں سےکالز موصول ہورہی ہیں۔
تفصیلات کے مطابق ترجمان نیب نے بتایا ہے کہ پشاور میں شہریوں کو مختلف نمبروں سے کالز موصول ہوئی ہیں جس میں کالز کرنے والے افراد خود کو نیب کے اعلیٰ افسران ظاہر کر رہے ہیں۔
ترجمان کا کہنا تھا کہ جعلی نیب اہلکار شہریوں سے رقم کا مطالبہ کر رہے ہیں۔ رقم کا مطالبہ کرنے والی ایسی تمام کالیں جعلی اور فراڈ پر مبنی ہیں۔
اس طرح کی کالز ادارے اور انتظامیہ کو بدنام کرنے کی منظم مہم کا حصہ ہے۔ نیب افسران کسی بھی فرد سے براہ راست رابطہ نہیں کرتے۔
نیب ترجمان نے کہا کہ جعل سازوں کے خلاف سائبر کرائم ونگ اور دیگر اداروں کو آگاہ کر دیا ہے۔ عوام ایسی کالز کی اطلاع فوری طور پر نیب کو دیں۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں