پی ٹی آئی کے مرکزی رہنما فواد چوہدری نے پی ڈی ایم حکومت کا ایک سال مکمل ہونے پر ردعمل دیتے ہوئے اسے پاکستان کی بدترین حکومت کا ایک سال قرار دیا ہے۔
اے آر وائی نیوز کے مطابق پی ڈی ایم کی حکومت کا آج ایک سال مکمل ہو رہا ہے۔ اس موقع پر پی ٹی آئی کے مرکزی رہنما اور سابق وفاقی وزیر نے فواد چوہدری نے ردعمل کا اظہار کرتے ہوئے اس کو پاکستان کی بدترین حکومت کا ایک سال قرار دیا ہے۔
فواد چوہدری نے سماجی رابطوں کی ویب سائٹ ٹوئٹر پر اپنے ٹویٹ میں لکھا ہے کہ پاکستان کی بدترین فاشسٹ جنتا کا ایک سال۔ سیاہ رات جو ایک سال پہلے پاکستان کی روشنیوں کوختم کرنے آئی وہ ابھی تک مسلط ہے۔
#ImportedGovtNamanzoor https://t.co/VOX8Xu7rZx
— Ch Fawad Hussain (@fawadchaudhry) April 9, 2023
پی ٹی آئی رہنما نے مزید کہا کہ عوام کی لازوال جدوجہد اس رات کے خلاف روشنی کا استعارہ ہے۔ چند ہفتوں میں اس سیاہ رات کا خاتمہ ہوگا اور اقتدار عوام کو منتقل ہوگا۔
