وفاقی پولیس نے ایمانداری کی مثال قائم کردی

اسلام آباد: وفاقی پولیس نے ایمانداری کی مثال قائم کرتے ہوئے شہری کو 60 لاکھ روپے لوٹا دیے۔

تفصیلات کے مطابق وفاقی پولیس نے ایمانداری کی مثال قائم کرتے ہوئے شہری کی قیمتی اشیا اور 60 لاکھ مالیت کے برطانوی پاؤنڈز واپس کردیے۔

ذرائع نے بتایا کہ شہری شاپنگ مال کی پارکنگ میں گاڑی اسٹارٹ چھوڑ گیا تھا،  گاڑی میں قیمتی اشیا اور 60 لاکھ مالیت کے برطانوی پاؤنڈز موجود تھے، وفاقی پولیس کے ڈولفن اسکواڈ نے گاڑی تحویل میں لے لی۔

مارگلہ پولیس نے شہری سے رابطہ کر کےگاڑی، کرنسی اور تمام سامان واپس کر دیا، شہری نے کہا کہ پولیس نے مثالی تعاون کیا اور حفاظت کی، اسلام آباد پولیس کی طرف سے کیا گیا تعاون ہمیشہ یاد رہے گا۔

Comments