لاہور: صوبہ پنجاب کے شہر پیر محل کے ایک گاؤں میں بجلی کمپنی کے ملازمین پر حملہ کردیا گیا، گاؤں والوں نے حملہ کر کے ریکوری کے لیے آنے والے افسران کو زخمی کردیا۔
تفصیلات کے مطابق پیر محل کے نواحی گاؤں میں نمبردار نے اپنے ساتھیوں کے ہمراہ فیصل آباد الیکٹرک سپلائی کمپنی (فیسکو) کے ملازمین پر حملہ کردیا۔
حملہ آوروں کے تشدد سے 7 فیسکو ملازمین زخمی ہوگئے، زخمی ہونے والوں میں معذور ملازم بھی شامل ہے۔ حملہ آوروں نے فیسکو کی سرکاری گاڑی کے شیشے بھی توڑ دیے۔
ذرائع کا کہنا ہے کہ فیسکو ملازمین نواحی گاؤں میں ریکوری کے سلسلے میں گئے تھے۔
Comments
- Advertisement -
