برطانوی سیاح کو اٹلی میں اس وقت حیرانی کا سامنا کرنا پڑا جب اسے ایک ریسٹورنٹ میں سینڈوچ کو دو حصوں میں کٹوانے پر جرمانہ ادا کرنا پڑا۔
برطانوی اخبار ڈیلی میل کی رپورٹ کے مطابق جرمانہ ادا کرنے والے سیاح کے ساتھ یہ واقعہ اٹلی کے ریسٹورنٹ میں رونما ہوا جب اس نے سبزی والے سینڈوچ کا آرڈر دیا۔
سیاح کے پاس سینڈوچ آیا تو اس نے اپنے دوست کو پیش کرنے کی خاطر اسے دو حصوں میں کٹوا لیا، مگر اسے اس وقت حیرانی کا سامنا کرنا پڑا جب اس کو 2 یورو کا جرمانہ کر دیا گیا۔
سیاح نے بغیر کسی مزاحمت اور شکایت کے سینڈوچ کا بل تو جمع کرا دیا مگر اس نے ایک سیاحتی ویب سائٹ پر ریسٹورنٹ کے بل کی تصویر کو پوسٹ کر دیا اور ساتھ ہی تنقید بھی کی۔
اطالوی میڈیا سے بات کرتے ہوئے ہوٹل کے مالک کا کہنا تھا کہ اگر کوئی کسٹمر مجھے ایک ہی سیڈوچ کے دو حصے کرنے کا کہتا ہے تو مجھے اسے پیش کرنے کے لیے دو پلیٹیں، دو رومال دینا پڑتے ہیں، جس کے ہم پیسے وصول کرتے ہیں۔
