بنگلادیشی سرحد پر قائم روہنگیا مسلمانوں سے بھرے کیمپ میں خوفناک آتشزدگی سے پناہ گزینوں کا بچاکچا سامان بھی جل گیا۔
فائر آفیشل اور اقوام متحدہ کے جنوبی بنگلا دیش میں روہنگیا مسلمانوں کے بھرے پناہ گزین کیمپ میں لگنے والی شدید آگ کے نتیجے میں ہزاروں افراد بےگھر ہو گئے ہیں۔
یہ آگ سرحدی ضلع کے کاکس بازار میں قائم کیمپ 11 میں لگی جہاں دس لاکھ سے زیادہ روہنگیا پناہ گزین رہتے ہیں جن میں سے زیادہ تر افراد 2017 میں میانمار حکومت اور فوجی مظالم سے جان بچا کر آئے تھے۔
Rohingya refugee volunteers trained on firefighting & local fire services have controlled the fire.
16 UNHCR funded Mobile Fire Fighting Units helped reach the difficult area.
Multiple shelters and facilities destroyed.
Government, UNHCR & partners coordinating further. pic.twitter.com/6qlerHlwbw
— UNHCR in Bangladesh (@UNHCR_BGD) March 5, 2023
کاکس بازار کے ایڈیشنل پولیس سپرنٹنڈنٹ رفیق الاسلام نے خبر رساں ادارے روئٹرز کو بتایا کہ ہمارے پاس فی الحال نقصانات کا تخمینہ نہیں ہے لیکن واقعے میں کوئی جانی نقصان فوری طور پر رپورٹ نہیں ہوا۔
رفیق الاسلام نے مزید کہا کہ آگ پر قابو پا لیا گیا ہے پولیس اور پناہ گزینوں کے امدادی محکموں کے اعلیٰ اہلکار جائے وقوعہ پر موجود ہیں۔
نمائندہ الجزیرہ کے مطابق آگ ابھی بھی لگی ہوئی ہے اور ایسا لگتا ہے کہ کھانا پکانے کے سلنڈر کی وجہ سے واقہ رونما ہوا، یہاں زیادہ تر گھر بانس سے بنے ہوتے ہیں اس لیے آگ تیزی سے پھیلی ہے۔