شکار پور : قومی شاہراہ جنو بائی پاس کے مقام پر کار کھائی میں گرنے کے نتیجے میں کار میں سوار تمام پانچ افراد جاں بحق ہوگئے۔
تفصیلات کے مطابق شکارپور میں قومی شاہراہ جنو بائی پاس کے مقام پر کار الٹ کر کھائی میں جاگری ، افسوسناک حادثے کے نتیجے میں کار میں سوار تمام پانچ افراد جاں بحق ہوگئے۔
پولیس اور اہل علاقہ نے موقع پر پہنچ کر لاشوں کو کار سے نکال کر اسپتال منتقل کیا۔
پولیس نے بتایا حادثہ تیز رفتاری اور شدید دھند کے باعث پیش آیا، جاں بحق افراد کی شناخت مظفر بھٹو، امتیاز ماچھی، علی مراد سھتو اور گھوٹو تگھڑ کے نام سے ہوئی ہے۔
حادثہ میں جاں بحق افراد کا تعلق نوشہرو فیروز سے تھا، کار سوار افراد پیپلزپارٹی کے یوم تاسیس میں شرکت کے بعد کوئٹہ سے نوشہرو فیروز جارہے تھے۔
یاد رہے اکتوبر میں شادی کے پروگرام سے واپسی پر لوک گلوکار شرافت علی کی گاڑی بے قابو ہو کر نہر میں جاگری تھی ، حادثے میں گاڑی میں سوار سات افراد ڈوب کر جاں بحق ہوگئے تھے۔
