دنیا میں لوگ ماضی سے مستقبل میں داخل ہوتے ہیں لیکن ایک طیارے نے ایسی انوکھی اڑان بھری کہ وہ اڑا 2023 میں اور جا پہنچا سال 2022 میں۔
دنیا نے جب سے ترقی کی منازل طے کرنا شروع کی ہیں۔ تب سے ہی ٹائم ٹریول اور ماضی میں سفر موضوع بحث رہا ہے جس کا اب تک کوئی واضح جواب سامنے نہیں آیا ہے لیکن ایک امریکی مسافر طیارے نے حال میں اڑان بھر کر ماضی میں جانے کے بعد ’’ٹائم ٹریول‘‘ کے اس مفروضے کو تقویت ضرور بخشی ہے۔
یہ کارنامہ انجام دینے والا طیارہ یونائیٹیڈ ایئر لائنز کا بوئنگ مسافر بردار طیارہ 777-300 ہے جس نے نیا سال شروع ہونے پر جنوبی کوریا سے سال 2023 میں اڑان بھری تاہم جب وہ اپنی منزل امریکا پہنچا تو وہاں سال 2022 میں اس کا استقبال کیا گیا۔
اس امریکی مسافر طیارے نے جنوبی کوریا کے دارالحکومت سیول سے یکم جنوری 2023 کو دوپہر 12 بج کر 29 منٹ پر اُڑان بھری اور امریکا کے شہر سان فرانسیسکو میں 31 دسمبر 2022 کو شام 5 بج کر ایک منٹ پر لینڈ ہوگیا۔
This is so cool!
Flight #UA858 took off in 2023 but will land back in 2022.https://t.co/7QFa4kNfU9#BackToTheFuture pic.twitter.com/X2JyrrVR7T
— Flightradar24 (@flightradar24) December 31, 2022
اس پرواز کے بعد کہا جا سکتا ہے کہ اس مسافر طیارے پر سوار مسافروں نے تکنیکی طور پر اپنے ماضی میں سفر کیا۔
واضح رہے کہ دنیا میں مختلف خطّوں کا ٹائم زون مختلف ہے۔ اسی ٹائم زون کے تحت جنوبی کوریا کا دارالحکومت سیئول، امریکی شہر سان فرانسیسکو سے 17 گھنٹے آگے ہے۔
