اسلام آباد: افغانستان سے دہشت گردی کے خطرے سے متعلق وزیر خارجہ بلاول بھٹو کے ریمارکس پر ترجمان دفتر خارجہ نے وضاحت دیدی۔
تفصیلات کے مطابق افغانستان سے دہشت گردی کے خطرے سے متعلق وزیر خارجہ بلاول بھٹو کے ریمارکس پر ترجمان دفتر خارجہ نے وضاحت دیتے ہوئے کہا کہ وزیر خارجہ کے ریمارکس نہ تو نئے ہیں اور نہ ہی غیر معمولی ہے۔
ترجمان دفتر خارجہ نے کہا کہ پاکستان ملکی یا غیر ملکی تمام خطرات سے اپنے دفاع کی صلاحیت رکھتا ہے، افغان سرزمین دہشت گردی کی کارروائیوں کیلئے لانچنگ پیڈ نہ بنے۔
افغان حکام نے کچھ نہ کیا تو افغانستان کے اندر کارروائی پر غور ہوسکتا ہے، بلاول
ترجمان نے کہا کہ گزشتہ روز وزیر خارجہ نے واضح طور پر افغانستان کے ساتھ بات چیت کی پالیسی کا اعادہ کیا، افغانستان بھی پاکستان سمیت عالمی برادری کے ساتھ اپنے وعدوں کی پاسداری کرے۔
ترجمان دفترخارجہ نے مزید کہا کہ وزیر خارجہ نے دہشت گردی سے نمٹنے کیلئے مل کر کام کرنے کی پاکستان کی خواہش پر زور دیا ہے۔
