لاہور: بانی پی ٹی آئی کے کورنگ امیدوارعمیر نیازی الیکشن میں حصہ لینے کیلئے اہل قرار دیتے ہوئے این اے 89 اور 90 سے کاغذات نامزدگی مسترد ہونے کا فیصلہ کالعدم کردیا۔
تفصیلات کے مطابق این اے 89 اور90میانوالی سے کاغذات نامزدگی مسترد کیخلاف اپیلوں کی سماعت ہوئی، لاہور ہائیکورٹ راولپنڈی بینچ میں قائم ایپلٹ ٹربیونل نے سماعت کی۔
عمیر نیازی کی جانب سے بیرسٹرلامیہ نیازی اور ایڈووکیٹ ملک جواداصغر پیش ہوئے، ایپلٹ ٹربیونل کے جج جسٹس چوہدری عبدالعزیز نے عمیر نیازی کی دونوں اپیلیں منظور کر لیں۔
ایپلٹ ٹربیونل نے عمیر نیازی کے این اے 89 اور 90 سے کاغذات نامزدگی مسترد ہونے کا فیصلہ کالعدم کردیا اور بانی پی ٹی آئی کے کورنگ امیدوارعمیر نیازی کو الیکشن میں حصہ لینے کیلئے اہل قرار دے دیا۔
اس حوالے سے لاہوہائیکورٹ راولپنڈی بینچ میں قائم ایپلٹ ٹریبونل نے فیصلہ جاری کردیا، این اے 89 اور 90 کے آر اوز نےعمیر نیازی کے کاغذات مسترد کیے تھے۔
