صادق آباد : پولیس مقابلے میں خان پور سے اسکول جاتے ہوئے دو بچوں کو اغوا کرنے میں ملوث چار ملزمان ہلاک اور دو فرار ہوگئے۔
تفصیلات کے مطابق صادق آباد میں تھانہ احمد پور لمہ اور تھانہ کوٹسبزل پولیس نے کارروائی کرتے ہوئے خانپور سے دن دیہاڑے معصوم بچوں کو اغواء کرنے والے چار ملزمان کو ہلاک کردیا جبکہ 2 فرار ہونے میں کامیاب ہوگئے۔
ہلاک ملزمان پنجاب سندھ فرار ہو رہے تھے کہ پولیس نے ناکے پر روکنے کی کوشش کی ، پولیس کے روکنے پر ملزمان نے پولیس پارٹی پر فائرنگ کردی۔
پولیس کی جوابی فائرنگ سے 4 ملزمان ہلاک ہو گئے 2 فرار ہوگئے ، ہلاک ملزمان کی شناخت عثمان،حسیب، جیند، اور راحیل کے ناموں سے ہوئی ہے۔
ملزمان کے قبضہ سے اسلحہ اور زیر استعمال گاڑی اور لاشوں کو تحویل میں لا لیا اور کر فرار ملزمان کی تلاش میں آپریشن جاری ہے۔
یاد رہے گذشتہ ہفتے خان پور میں سٹی کی حدود ماڈل ٹاون سے ڈرائیور کے ساتھ اسکول جانے والے سابق ایم ایس ایس تحصیل ہیڈ کوارٹر ہسپتال خانپور ڈاکٹر حسن محمود اور لیڈی ڈاکٹر ذونازش کے بیٹوں 11سالہ شایان اور 7سالہ سبحان کو اغوا کرلیا گیا تھا۔
بعد ازاں پولیس نے رحیم یار خان کی تحصیل خان پور میں اسکول جاتے ہوئے اغوا ہونے والے دونوں بچوں کو بہاولپور بازیاب کرایا تھا۔
