گوادر : گوادر کے علاقے پسنی میں دہشت گردوں کے حملے میں شہید ہونے والے 14 فوجی جوانوں کی نماز جنازہ ادا کردی گئی، شہداء کو ان کے آبائی علاقوں میں سپرد خاک کیا جائے گا۔
تفصیلات کے مطابق پاکستان کی فوج کے شعبہ تعلقات عامہ آئی ایس پی آر کی جانب سے بیان میں کہا گیا ہے کہ گوادر کے علاقے پسنی میں دہشت گردوں کے حملے میں شہید ہونے والے 14 سیکیورٹی اہلکاروں کی نماز جنازہ ادا کردی گئی۔
شہداء کی نماز جنازہ پسنی میں ادا کی گئی، نماز جنازہ میں بڑی تعداد میں سول اور حاضر سروس عسکری حکام نے شرکت کی
جس کے بعد شہداء کے جسد خاکی ان کے آبائی علاقوں کو روانہ کردیئے گئے ہیں ، جہاں انہیں پورے فوجی اعزاز کے ساتھ سپرد خاک کیا جائے گا۔
ترجمان کے مطابق سیکیورٹی فورسز ہر قیمت ملک سے دہشت گردی کی لعنت کے خاتمے کیلئے پرعزم ہیں۔
یاد رہے کہ گذتہ روز ضلع گوادر کے علاقے پسنی سے اورماڑہ جانے والے سیکیورٹی فورسز کے قافلے پر گھات لگائے دہشت گردوں نے حملہ کیا تھا ، اس افسوسناک واقعے میں 14 فوجی جوان شہید ہوئے تھے۔
حملے کے فوری بعدعلاقےمیں دہشت گردوں کے خلاف کلیئرنس آپریشن شروع کردیا گیا، گھناؤنےفعل میں ملوث ملزمان کوہرصورت انصاف کےکٹہرےمیں لایاجائے گا۔