مردم شماری کی حتمی تاریخ میں پھر توسیع

حکومت بروقت مردم شماری مکمل کرنے میں ناکام ہوگئی۔ مردم شماری کی حتمی تاریخ میں دوسری بار توسیع کردی گئی۔

ترجمان ادارہ شماریات کے مطابق مردم شماری کی حتمی تاریخ پندرہ اپریل تک بڑھا دی گئی ہے۔

پنجاب میں مردم شماری کا 99 فیصد جب کہ سندھ میں 98 فیصد کام مکمل کرلیا گیا۔ بلوچستان میں مردم شماری کا 82 فیصد کام مکمل کیا گیا ہے۔

آزاد کشمیر اور خیبر پختونخواہ میں 100 فیصد کام مکمل ہو گیا۔ اسلام آباد میں مردم شماری کا 90 فیصد کام مکمل کرلیا گیا۔

ترجمان کے مطابق ملک کے 25 اضلاع میں تاحال مردم شماری مکمل نہ ہوسکی۔ 156 میں سے 131 اضلاع میں مردم شماری مکمل ہوچکی ہے۔ ملک میں 39.65 ملین میں سے 38.54 ملین گھرانوں کا ڈیٹا حاصل کرلیا گیا ہے۔

Comments