بالی وڈ کی فلموں میں کہانی کے ساتھ ساتھ اس کے گانوں پر بھی خصوصی توجہ دی جاتی ہے جس کے فلمساز پیسہ پانی کی طرح بہاتے ہیں اور سب کی کوشش ہوتی ہے کہ اچھے سے اچھا گانا پیش کیا جائے۔
فلمی شائقین کو اپنی جانب راغب کرنے کے لیے گانے میں بہترین لوکیشن پر فلمائے جاتے ہیں، پچھلے دنوں شاہ رخ خان کی فلم جوان کا گانا ’زندہ بندہ‘ (15 کروڑ ورپے )سب سے مہنگا ہونے کے چرچے تھے لیکن رجنی کانت کے ایک گانے 2.0 پر اتنا (20کروڑ )روپیہ لگایا دیا گیا کہ اس نے اسے پیچھے بھی چھوڑ دیا۔
لیکن اب انڈسٹری میں ایک ایسا گانا فلمایا گیا ہے جو ان تمام گانوں کے ریکارڈ توڑ دے گا، جی ہاں!! اس بارے میں فلمساز کا دعویٰ ہے کہ گانے کو دیکھ کر آپ پچھلے تمام گانوں کو بھول جائیں گے۔
ساؤتھ انڈین فلموں کے اسٹار رام چرن کی فلم ’گیم چینجر‘ کیلئے فلمائے جانے والے گانوں پر مجموعی طور پر90کروڑ روپے خرچ کیے جارہے ہیں اور یہ بھارتی فلم انڈسٹری کے سب سے مہنگے ترین گانے قرار دیے جارہے ہیں۔
اب دیکھنا یہ ہے کہ ’گیم چینجر‘ فلم کے کون سے گانے پر 20 کروڑ روپے سے زائد لاگت آئے گی جس کے بعد وہ گانا رجنی کانت کے 2.0گانے سے زیادہ مہنگا ترین شمار کیا جائے گا؟
واضح رہے کہ ’گیم چینجر‘ ایک آنے والی ہندوستانی تیلگو زبان کی ایکشن تھرلر فلم ہے جس کی ہدایت کاری ایس شنکر نے کی ہے اوراسے کارتک سبراج نے لکھا ہے۔
پروڈیوسر دل راجو اور سریش کی اس فلم میں رام چرن ہیرو کا کردار ادا کررہے ہیں دیگر اداکاروں میں کیارا اڈوانی، انجلی، ایس جے سوریہ، جےرام، سنیل، سری کانت، سموتھیراکانی، اور ناصر شامل ہیں۔
