اسلام آباد: عدالت عظمیٰ کے فیصلے کے بعد وفاقی حکومت نے سی سی پی او لاہور غلام محمد ڈوگر کی معطلی کا حکم واپس لے لیا ہے۔
تفصیلات کے مطابق غلام محمود ڈوگر سی سی پی او لاہور کےعہدے پر بحال ہوگئے ہیں جس کا نوٹی فیکیشن بھی جاری کردیا گیا ہے۔
واضح رہے کہ غلام محمود ڈوگر کو 23 جنوری کو اسٹیبلشمنٹ ڈویژن رپورٹ کرنے کا حکم دیا گیا تھا اور نگران حکومت نے ان کی جگہ بلال صدیق کمیانہ کو سی سی پی او لاہور تعینات کیا تھا۔
غلام محمود ڈوگر نے اپنی برطرفی کا وفاقی حکومت کا فیصلہ سپریم کورٹ میں چیلنج کیا، جس پر عدالت عظمیٰ نے غلام محمود ڈوگر کو سی سی پی او لاہور کے عہدے پر بحال کرنےکا حکم دیا تھا۔
یہ بھی پڑھیں: سپریم کورٹ نے سی سی پی او غلام محمود ڈوگر کے تبادلے کا حکم معطل کردیا
خیال رہے کہ وفاقی حکومت نے 5 نومبر کو سی سی پی او لاہور غلام محمود ڈوگر کو عمران خان پر قاتلانہ حملے کے خلاف پی ٹی آئی کارکنان کے احتجاج کے دوران گورنر ہاؤس کی سیکیورٹی یقینی نہ بنانے پر معطل کردیا تھا۔
