عالمی منڈی میں خام تیل کی قیمت مزید کم ہوگئی

عالمی منڈی میں مندی کے بعد خام تیل کی قیمتوں میں مسلسل کمی کا رجحان جاری ہے جس میں 4 فیصد تک کمی سامنے آئی ہے۔

تفصیلات کے مطابق عالمی منڈی میں خام تیل کی قیمتوں گراوٹ کا شکار ہیں۔ امریکی خام تیل ڈبلیو ٹی آئی 4 فیصد تک کی کمی کے بعد 70 ڈالر فی بیرل کی سطح پر فروخت ہو رہا ہے۔

برطانوی خام تیل برینٹ آئل کی فی بیرل قیمت 3 فیصد سے زائد کی کمی کے بعد 76 ڈالر سے نیچے آگئی ہے۔

اس کے علاوہ گیس کی قیمت 5 فیصدکم ہوکر 2 ڈالر76 سینٹ فی ایم ایم بی ٹی یو میں فروخت ہو رہی ہے۔

خیال رہے کہ آج سعودی عرب کی جانب سے خام تیل کی قیمت میں کمی کا اعلان کیا گیا تھا جس کے بعد سے عالمی سطح پر خام تیل کی قیمت میں کمی دیکھی جارہی ہے۔

Comments