کنگ آف دی مونسٹرز ہولی وڈ کی ڈائنوسارز پر مبنی ایکشن اور تھرلر سے پھر پور فلم گوڈزیلا مائنس ون کا آفیشل ٹریلر جاری کردیا گیا۔
2016 کے بعد یہ جاپانی فلم پروڈیکشن کی جانب سے پروڈیوس کردہ دوسری فلم ہے، اس سے قبل شن گوڈزیلا کو جاپانی میکر ’ٹوہو فلم ‘ نے پروڈیوس کیا تھا تاہم اب فلم گوڈزیلا مائنس ون کا نیا آفیشل ٹریلر جاری کر دیا گیا ہے۔
گوڈزیلا مائنس ون کو 3 نومبر 2023 کو جاپان کے سینما گھروں میں نمائش کے لیے پیش کی جائے گی جبکہ دیگر ممالک میں یہ فلم 1 دسمبر 2023 کو سینیما گھروں میں ریلیز کی جائے گی۔
گوڈزیلا مائنس ون کے آفیشل ٹریلر میں دیکھا گیا کہ ڈائنوسارز تباہی مچانے پر مرکوز ہے، کنگ آف دی مونسٹرز جاپان کو تباہ کرنے کے لیے ایٹمی جنگ کرتا ہے جس سے چاپان پورا تباہ ہوجاتا ہے۔
ٹریلر میں یہ بھی بولتے ہوئے سنا گیا کہ ’صفر سے مائنس تک زندہ رہو اور لڑو‘، ٹریلر میں دیکھا گیا کہ جنگ کے بعد جاپان میں ایک نئی دہشت گردی عروج پر ہے۔
کنگ آف دی مونسٹرز ڈائنوسارز پر مبنی فلم گوڈ زلا مائنس ون میں کیا تباہ شدہ لوگ زندہ رہ پائیں گے یہ دیکھنے کے لیے 1 دسمبر کا انتظار کریں۔
