بالی ووڈ اداکارہ اور بگ باس 7 کی فاتح گوہر خان اپنے شوہر اور بیٹے کے ہمراہ رمضان المبارک میں عمرے کی ادائیگی کیلئے مکہ پہنچ گئیں۔
فوٹو اینڈ شیئرنگ ایپ انسٹاگرام پر اداکارہ گوہر خان نے ویڈیوز اور اسٹوری شیئر کی ہے جس میں انہیں مدینہ منورہ میں اپنی فیملی کے ہمراہ دیکھا جاسکتا ہے۔
View this post on Instagram
ویڈیو میں اداکارہ گوہر نے مدینہ پہنچنے کی اطلاع دیتے ہوئے کیپشن میں دعا لکھی کہ ’سبحان اللہ! ایک ایسا سفر جس کا خواب جو ہم دونوں نے ایک جوڑی اور والدین کے طور پر دیکھا تھا، اور الحمدللہ ہمیں مدینہ ہمارے ذہان کے ساتھ دیکھنا نصیب ہوا ، اللہ سب کے لیے یہ سفر آسان اور کامیاب بنائے۔ آمین۔
اس ویڈیو میں گوہر اور زید کی جوڑی کو اپنے بیٹے ذہان کے ساتھ پہلی بار مسجد النبویﷺ میں جاتے ہوئے دیکھا جا سکتا ہے۔
View this post on Instagram
دوسری جانب اسی ویڈیو میں انہیں مدینے کی سہن میں افطاری کرتے ہوئے دیکھا جاسکتا ہے جس میں وہ جذباتی نظر آرہی ہیں۔
ساتھ ہی انہوں نے انسٹاگرام اسٹوری پر مکہ مکرمہ کی ویڈیوز شیئر کی ہے جس میں انہوں نے بتایا کہ آج وہ عمرے کی سعادت حاصل کریں گی۔
View this post on Instagram
واضح رہے کہ گوہر خان دوسری بار عمرہ کی سعادت حاصل کررہی ہیں۔ اس سے قبل وہ گزشتہ سال رمضان میں عمرہ کی ادائیگی کرچکی ہیں۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں