اسلام آبادر: وزارت توانائی نے عید الاضحیٰ کے موقع پر عوام کو بڑی خوشخبری سنا دی۔
ذرائع وزارت توانائی کے مطابق عید الاضحیٰ کے 3 روز ملک بھر میں بجلی کی لوڈشیڈنگ نہ کرنے کا فیصلہ کیا گیا ہے۔
ذرائع کا بتانا ہے کہ وزارت توانائی نے تمام ڈسٹری بیوشن کمپنیوں سے تفصیلات مانگ لیں، وزارت توانائی نے کہا کہ پاور ڈسٹری بیوشن کمپنیاں بجلی کی طلب اور رسد کے بارے میں آگاہ کریں۔
ایک طرف ذرائع وزارت توانائی نے لوڈشیڈنگ نہ کرنے کا اعلان کیا جبکہ دوسری جانب ملک بھر کے مختلف علاقوں میں غیر اعلانیہ لوڈ شیدنگ کا سلسلہ جاری ہے جس کے باعث عیدالاضحٰی سے قبل ہی لوگوں کو شدید مشکلات کا سامنا ہے۔
دن بھر کے دو تہائی وقت پر محیط لوڈشیڈنگ نے جہاں شدید گرمی میں شہریوں کی زندگی اجیرن کر دی ہے اگر وزارت توانائی کے اس ہدایت پر عمل درآمد نہیں ہوا تو لوگوں کو بجلی نہ ہونے کی وجہ سے کئی مشکلات کا سامنا کرنا پر سکتا ہے۔
یاد رہے 29 جون کو ملک بھر میں عیدالاضحٰی مذہبی جوش و خروش کے ساتھ منائی جائے گی اور لاکھوں مسلمان سنتِ ابراہیمی پرعمل کرتے ہوئے قربانی کا فریضہ ادا کریں گے۔
