اسلام آباد : وفاقی حکومت نے متحدہ عرب امارات کی ایک اور ایئر لائن کو پروازوں کی اجازت دے دی، کابینہ نے "ویز” ایئر ابوظہبی کو پاکستان اور ابوظہبی روٹ پر نامزد کرنے کی منظوری دی۔
تفصیلات کے مطابق پاکستان نے یو اے ای کی ایک اور ائیر لائن کو نامزد کرنے کا مطالبہ مان لیا اور پروازوں کی اجازت دے دی۔
ذرائع نے بتایا کہ فیصلہ یو اے ای کی درخواست اور موجودہ معاشی صورتحال کے پیش نظر کیا گیا، کابینہ نے "ویز” ایئر ابوظہبی کو پاکستان اور ابوظہبی روٹ پر نامزد کرنے کی منظوری دے دی۔
وفاقی کابینہ نے سرکولیشن کے ذریعے سمری کی منظوری دے، اتحاد، ایمریٹس، ایئر عریبیا، ایئر عریبیا ابودہبی یو اے ای کی نامزد کردہ ایئر لائنز ہیں۔
خیال رہے گذشتہ ماہ وزیراعظم کے معاون خصوصی جواد سہراب ملک نے بتایا تھا کہ معاہدے کے قریب پہنچ گئے ہیں، بہت جلد ایمریٹس کی ایئر بس اے 380 کی کمرشل پروازیں پاکستانی ایئر پورٹس پر اتریں گی۔
ان کا کہنا تھا کہ اے380 میں مسافروں کی اضافی گنجائش سے کرائے کم کرنے میں مدد ملے گی، دیگر شعبوں سمیت پاکستانی ایوی ایشن میں بہتری کیلئے ہنگامی اقدامات کر رہے ہیں
