اسلام آباد : حکومت نے سوڈان میں پھنسے پاکستانیوں کے انخلا کے لئے پلان تیار کرلیا اور متعلقہ اداروں کو احکامات جاری کر دیئے ہیں۔
تفصیلات کے مطابق سوڈان میں پھنسے پاکستانیوں کے انخلا کے لئے حکومت کی جانب سے پلان تیار کرلیا گیا۔
وزارت خارجہ نے کراچی ایئرپورٹ پر پی آئی اے، سی اے اے، اے ایس ایف، ایف آئی اے کو احکامات جاری کر دیئے ہیں۔
جناح انٹرنیشنل ایئرپورٹ کراچی پر سوڈان سے آنے والے پاکستانیوں کے لئے ہدایات جاری کی گئی ، جس میں پاکستانیوں سے سی اے اے، اے ایس ایف، ایف آئی اے امیگریشن اور پی آئی اے کو تعاون کی ہدایت کی ہے۔
وزارت خارجہ نے کراچی ایئرپورٹ پر سوڈان سے انخلا کیے گئے ہم وطنوں کی کنسیلی ٹیشن ڈیسک بنانے کی ہدایت کرتے ہوئے کہا سی اےاےسوڈان سے آئےطیاروں کوپارکنگ،ری فیولنگ، میڈیکل سروسز فراہم کرے گا۔
ایف آئی اے کو بھی سوڈان سے انخلا کرکے کراچی ایئرپورٹ لائے گئے ہم وطن کی امیگریشن کی ہدایت کی ہے، آج بھی مزید 2 خصوصی پروازیں سوڈان سے پاکستانیوں کو کراچی پہنچیں گی۔
یومیہ 2 پروازیں چلاکر پاکستانیوں کو سوڈان سے انخلا کیا جائے گا ، سوڈان سے انخلا کے لیے خصوصی فلائٹ آپریشن پاک فضائیہ کی نگرانی میں ہوگا ، پی آئی اے، سی اے اے، ایف آئی اے، اے ایس ایف، اوورسیز پاکستانی فاونڈیشن مدد فراہم کریں گے۔
