کراچی : انٹر امتحانات میں فیل ہونے والے طلبا کا کہنا ہے کہ گریس مارکس قبول نہیں ، پرچوں کی دوبارہ جانچ پڑتال کی جائے، گریس مارکس پر میڈیکل اور انجینئرنگ پروفیشنل جامعات میں داخلے نہیں ملیں گے۔
تفصیلات کے مطابق انٹر امتحانات میں متاثرہ امیدواروں اور والدین نے فیکٹ فائنڈنگ کمیٹی کی رپورٹ مستردکردی، متاثرہ طلبا کا کہنا ہے کہ گریس مارک قبول نہیں،تمام پرچوں کی دوبارہ جانچ پڑتال کی جائے۔
متاثرہ طلبا نے کہا کہ گریس مارک ہمارے تعلیمی گریڈکو متاثر کریں گے، گریس مارک پرمیڈیکل،انجینئرنگ پروفیشنل جامعات میں داخلے نہیں ملیں گے، فیکٹ اینڈ فائنڈنگ کمیٹی ذمہ داروں کا تعین نہ کرسکی۔
متاثرہ طلبہ وطالبات اور والدین کا اسکروٹنی کیلئےانٹربورڈ آفس آمد کا سلسلہ برقرار ہے۔
یاد رہے گیارہوں جماعت کے متنازعہ نتائج پر سندھ حکومت کی فیکٹ فائنڈنگ کمیٹی نے رپورٹ تیار کی تھی ، جس میں فیکٹ فائنڈنگ کمیٹی نے طلبہ کو گریس مارکس دینے کی سفارش کی ہے اور کہا طلبہ کی اکثریت کے ساتھ نتائج میں نا انصافی ہوئی۔
