سندھ ہمارے حوالے کردو، لاڑکانہ سے پی پی کو فارغ کردینگے، مصطفیٰ کمال

کراچی: مصطفیٰ کمال نے کہا ہے کہ پانچ سال کیلئے سندھ ہمارے حوالے کردو، لاڑکانہ سے پی پی کو فارغ کردیں گے۔

تفصیلات کے مطابق متحدہ قومی موومنٹ پاکستان کے مرکزی رہنما مصطفیٰ کمال کا کہنا ہے کہ پیپلز پارٹی نے 15 سال کام کیا ہوتا تو لوگ ہمیں چائے پلاکر گھر بھیج دیتے۔ صوبہ سندھ 5 سال کے لیے ہمارے حوالے کردیں، لاڑکانہ سے پی پی فارغ ہوجائے گی۔

رہنما ایم کیو ایم پاکستان مصطفیٰ کمال نے کہا کہ اتنا کام کریں گے کہ لاڑکانہ میں پیپلز پارٹی کی ضمانتیں ضبط کرادیں گے۔

انھوں نے کہا کہ پانی ٹینکرمیں آتا ہے، نلکوں میں کیوں نہیں؟ پانی بیچنے والا ایم این اے، ایم پی اے یا وزیر کا آدمی ہوگا۔ پانی بیچنے اور اسے بکتا دیکھنے والوں کا بھی حساب ہوگا۔

مصطفیٰ کمال نے کہا کہ الیکشن کھیل تماشہ نہیں ہمارا امتحان ہے۔ پی ٹی آئی اچھے کام کرتی تو ہم فارغ ہوچکے ہوتے۔

Comments