لاہور: قومی کرکٹ ٹیم کے ہیڈ کوچ گرانٹ بریڈبرن نے کہا ہے کہ بھارت کے خلاف میچ سے قبل افغانستان کے خلاف سیریز پر توجہ ہے، رضوان اور بابر ورلڈ کلاس کھلاڑی ہیں، ہم اچھے فاسٹ باؤلنگ آل راؤنڈ کی تلاش میں ہیں۔
تفصیلات کے مطابق قومی کرکٹ ٹیم کے ہیڈ کوچ گرانٹ بریڈبرن نے آج میڈیا سے گفتگو کرتے ہوئے کہا کہ کھیل میں تبدیلی آ رہی ہے جس کو دیکھ کر پلاننگ کر رہے ہیں، مکی آرتھر 23 اگست کو ٹیم کو جوائن کریں گے، اور ہم مڈل آرڈر میں مزید بہتری کے لیے کوشاں ہیں۔
گرانٹ بریڈبرن نے کہا افغانستان کے خلاف پہلا میچ انتہائی اہم ہوگا، رضوان اور بابر ورلڈ کلاس کھلاڑی ہیں، ٹیم کے لیے ہم اچھے فاسٹ باؤلنگ آل راؤنڈ کی تلاش میں ہیں، فہیم اشرف کی ٹیم میں واپسی ہوئی ہے۔
انھوں نے کہا کہ بھارت کے خلاف میچ سے قبل افغانستان کے خلاف سیریز پر توجہ ہے، کرکٹ میں کسی ٹیم کو آسان حریف نہیں سمجھ سکتے۔
