رپورٹ کے مطابق پاکستان کو اس سال بھی شدید بارشیں اور سیلابی صورتحال کا سامنا کرنا پڑے گا۔
اقوام متحدہ کے گلوبل انفارمیشن ارلی وارننگ سسٹم نے رپورٹ جاری کی ہے جس کے مطابق پاکستان اس سال شدید بارشوں کے رسک کا سامنا کرنیوالے 20 ممالک کی فہرست میں شامل ہے۔
رپورٹ میں بتایا گیا کہ مختلف ممالک کو جون میں شدید بارشوں سے سیلاب اور غذائی قلت کا خدشہ بہت زیادہ ہے اس کے علاوہ ہمسایہ ممالک افغانستان، ایران، تاجکستان، ترکمانستان، ترکیہ میں بھی شدید بارشوں کا خطر ہے۔
رپورٹ میں بتایا گیا کہ 2022 میں 53 ممالک میں 22 کروڑ 20 لاکھ افراد کو غذائی قلت کا سامنا کرنا پڑا تھا۔
واضح رہے کہ پاکستان میں گزشتہ سال جولائی اور اگست میں شدید بارشوں کی وجہ سے آنے والے بڑے سیلاب میں 1,700 سے زائد افراد ہلاک ہوئےجب کہ تقریباً تین کروڑ30 لاکھ لوگ متاثر ہوئے۔
ایک رپورٹ کے مطابق پاکستان میں سیلاب سے ہونے والے کل نقصان اور معاشی نقصانات کا تخمینہ 30 ارب ڈالر لگایا گیا تھا۔
اکتوبر 2022 تک پاکستان میں سیلاب سے تقریباً 80 لاکھ لوگ بے گھر ہو چکے تھے۔
