چلاس: دیامر کے مضافات اور ملحقہ علاقوں میں بارشوں کے بعد سیلابی صورت حال پیدا ہو گئی ہے۔

تفصیلات کے مطابق چلاس میں ہڈور اور کھنیر ویلی میں اونچے درجے کے سیلاب نے تباہی مچا دی، مکانات، فصلوں، واٹرچینل اور باغات کو شدید نقصان پہنچا ہے۔

محکمہ پولیس کے مطابق بارشوں کے بعد ہڈور اور کھنیر نالے میں سیلابی ریلوں کی وجہ سے بچا کچا روڈ بھی تباہ ہو گیا ہے، اور کھڑی فصلوں کا صفایا کر دیا ہے۔

شاہراہ قراقرم چلاس تا گلگت سیکشن کی مکمل بحالی بھی نہیں ہو سکی ہے، شاہراہ قراقرم پر یک طرفہ ٹریفک سے گاڑیوں کی قطاریں لگ گئیں، تتہ پانی سمیت متعدد جگہوں سے شاہراہ قراقرم پر شدید ٹریفک جام ہے، جس سے مسافروں اور سیاحوں کو مشکلات کا سامنا ہے، چند منٹوں کا سفر بھی گھنٹوں کا ہو گیا ہے۔

Comments