ہالی ووڈ کے نامور اداکار بروس ولس ڈیمنشیا جیسے خطرناک مرض کا شکار ہوگئے ہیں جس کی تصدیق ان کے خاندان نے کر دی ہے۔
برطانوی خبر رساں ادارے روئٹرز کے مطابق ہالی ووڈ کی مشہور فلم سیریز ڈائی ہارڈ کے اسٹار بروس ویلس خطرناک دماغی مرض ڈیمنشیا میں مبتلا ہوگئے ہیں اور اس کی تصدیق اداکار کے خاندان نے اپنے جاری ایک بیان میں کی ہے۔
رپورٹ کے مطابق بروس ولس کے خاندان کی جانب سے بیان جاری کیا گیا ہے جس میں اداکار خطرناک دماغی مرض ڈیمنشیا میں مبتلا ہونے کا انکشاف کیا گیا ہے۔ اہلخانہ نے اس بیان میں کہا ہے کہ بروس ولس گزشتہ سال افیسیا میں مبتلا ہوئے تھے اور ان کی حالت بہتر ہو رہی تھی تاہم وہ اب ڈیمنشیا کا شکار ہوگئے ہیں۔
افیسیا ایک ایسا مرض ہے جس میں مریض کو بولنے اور سمجھنے میں دشواری کا سامنا کرنا پڑتا ہے گزشتہ برس اس مرض میں مبتلا ہونے کے بعد بروس ولس نے فلم انڈسٹری سے ریٹائرمنٹ لے لی تھی۔ تاہم اب ڈیمنشیا کا شکار ہونے کی وجہ سے اداکار کو چیزوں کو درست طرح سمجھنے اور یاد رکھنے میں دشواری ہو رہی ہے۔
Actor Bruce Willis has been diagnosed with frontotemporal dementia, his family said, nearly a year after the ‘Die Hard’ franchise star retired due to aphasia that hampered his cognitive abilities https://t.co/dXV2sCivHX pic.twitter.com/wuw2trRgwJ
— Reuters (@Reuters) February 17, 2023
اداکار کے اہلخانہ کے مطابق بروس ولس کو جس تکلیف دہ بیماری کا سامنا ہے اس میں ان کے ساتھ بات چیت کافی مشکل ہے اور یہ فرنٹوٹیمپورل ڈیمنشیا مرض کی علامات میں سے ایک ہے جو تکلیف دہ ہے۔
ماہرین کے مطابق ڈیمنشیا بہت سے دماغی عارضوں کا مجموعہ ہے جس میں مریض کی سوچنے سمجھنے کی صلاحیت اور یادداشت تیزی سے متاثر ہوتی ہے۔ ڈیمنشیا دماغی خلیوں میں خرابی کی وجہ سے لاحق ہوتا ہے۔
My heart goes out to Bruce Willis and his family. Dementia is a cruel disease. We will always remember him as a great actor who has done a lot of good work helping combat veterans and sick children. Join me in me praying for him and all Americans who suffer from this illness. pic.twitter.com/wywzcXTQE8
— Monica De La Cruz (@monica4congress) February 16, 2023
1980 کی دہائی میں مزاحیہ ٹی وی سیریز مون لائٹننگ سے شوبز کی دنیا میں قدم رکھنے والے بروس ولس نے یوں تو ہالی ووڈ کی درجنوں کامیاب فلموں میں کام کیا لیکن انہیں دنیا بھر میں اصل شہرت ’’ڈائی ہارڈ‘‘ فلم سیریز سے ملی جو 1988 میں ریلیز ہوئی پھر اس کے بعد 2013 تک اس کے کئی سیکوئل ریلیز کیے گئے۔ انہیں بہترین اداکاری پر گولڈن گلوب ایوارڈ سمیت دو ایمی ایوارڈز سے بھی نوازا جا چکا ہے۔