آسٹریلوی اوپنر ڈیوڈ وارنر سے پاکستانی کھلاڑیوں کو خصوصی پیار ہے کیونکہ جب فیلڈرز کیچ گراتے اور بالرز نو بال کراتے ہیں تو وارنر قومی ٹیم کے خلاف سنچریاں بناتے ہیں۔
میلبرن ٹیسٹ میں پاکستان ٹیم خوش قسمت رہی کہ وارنر کا کیچ چھوڑنے کے باوجود انہیں 38 رنز پر آؤٹ کر دیا لیکن اس سے قبل ڈیوڈوارنر کو جب جب پاکستانی ٹیم نے دیا چانس تو انہوں نے کر دیا مار مار کر قومی ٹیم کا برا حال۔ جب بھی پاکستان فیلڈرز نے کیچ گرائے یا بولرز نے نو بال کرائی تو پھر وارنر کی بن آئی اور انہوں نے سنچری ہی بنائی۔
رواں سیریز کے پرتھ میں کھیلے گئے پرتھ ٹیسٹ میں خرم شہزاد نے وارنر کا کیچ چھوڑا تو پھر کینگرو اوپنر نے کسی کو نہ چھوڑا اور 164 رنز کی فتح گر اننگ کھیل گئے۔
اس سے قبل حال ہی میں کھیلے گئے آئی سی سی ون ڈے ورلڈ کپ میں اسامہ میز کا کیچ گرانا بھی قومی ٹیم کو خوب بھاری پڑا تھا کیونکہ وارنر نے اس موقع سے فائدہ اٹھاتے ہوئے 163 رنز جڑ دیے تھے جس نے قومی ٹیم کی گردن میں ناکامی کا طوق ڈالا۔
سال 2019 میں ایڈیلیڈ ٹیسٹ میں وارنر نے یادگار 355 رنز کی اننگ کھیلی لیکن وہ بھی موسی کی نو بال کی مرہون منت تھی نہ وہ نو بال کرتے جس پر وارنر آؤٹ ہونے کے باوجود آؤٹ نہ ہوئے اور نہ ہی وہ ٹرپل سنچری بنا پاتے۔
David Warner’s luck against Pakistan pic.twitter.com/9S75uMBjbC
— zayn (@ZaynMahmood5) December 26, 2023
برسبین ٹیسٹ میں نسیم شاہ نے بھی نو بال کرانے کی غلطی کی جس سے موقع ملنے کے بعد ڈیوڈ وارنر نے سنچری بنانے کی روایت برقرار رکھی۔
سال 2016 میں تو وہاب ریاض نے اسٹمپس ہی اڑا دی تھیں مگر پھر وہی نو بال وارنر کو نئی زندگی کے ساتھ ایک اور سنچری اننگ دے گئی تھی۔
