کہا جاتا ہے کہ جوانی دیوانی ہوتی ہے اور اس میں جذبات کی شدت کے ساتھ ساتھ برداشت کا مادہ بھی کسی حد تک کم ہوتا ہے، جوں جوں انسان کی عمر بڑھتی ہے انسان کو اپنے غصے پر قابو پانا آسان ہوجاتا ہے۔
لیکن بھارت میں ہونے والے ایک واقعے نے سوچ کے اس زاویے کو غلط قرار دے دیا، سوشل میڈیا پر وائرل ہونے والی ایک ویڈیو نے لوگوں کو خوشگوار حیرت میں مبتلا کردیا۔
بھارت کے شہر اورنگ آباد میں دو بزرگوں کے درمیان ہونے والی ہاتھا پائی کی ویڈیو سوشل میڈیا پر چھا گئی۔
ویڈیو میں دیکھا جاسکتا ہے کہ محلے کی ایک گلی میں دو موٹر سائیکل سوار بزرگ ٹکرا گئے جو یقیناً دونوں میں سے کسی نے بھی جان بوجھ کر نہیں کیا ہوگا۔
छत्रपती संभाजीनगरात दोन वृद्धांमध्ये फ्री स्टाईल हाणामारी झाली आहे. या हाणामारीचा व्हिडीओ चांगलाच व्हायरल झाला आहे. pic.twitter.com/n4K8rDeqjU
— News18Lokmat (@News18lokmat) May 20, 2023
پہلے تو ان دونوں حضرات نے اس کا ذمہ دار ایک دوسرے کو ٹھہرایا لیکن اس پر تسلی نہ ہوئی تو ایک صاحب نے دوسرے کو زور سے دھکا دیا۔
بس پھر کیا تھا دونوں بزرگوں نے ایک دوسرے پر فری اسٹائل ریسلنگ تو کبھی باکسنگ کے انداز میں لاتوں اور گھونسوں کا آزادانہ استعمال کرتے ہوئے ایک دوسرے کو زخمی کردیا۔
اسے کہتے ہیں بڑے لڑکوں کی لڑائی, اتفاق سے اس دوران گلی میں کوئی تیسرا شخص موجود نہ تھا جو ان کے درمیان صلح کی کوئی صورت نکالتا۔ تاہم گلی میں لگے ایک سی سی ٹی وی کیمرے کی آنکھ نے یہ منظر محفوظ کرلیا۔
