پاکستانی مڈل آرڈر بیٹر افتخار احمد نے پاکستانی ٹیم کے بریانی کھانے پر تنقید کرنے والوں کو دلچسپ جواب دیا ہے۔
چاچا کی عرفیت سے مشہور افتخار احمد کا بھارت میں پاکستانی میڈیا سے گفتگو کرتے ہوئے کہنا تھا کہ میں آپ کو ایک بات بتاؤں اگر پاکستان ٹیم جیت جائے یہ لوگ نہیں کہتے کہ یہ بریانی کھاتے ہیں جب ہارتے ہیں کیوں لوگ کہتے ہیں کہ بریانی کھاتے ہیں۔
قومی بیٹر نے مزید کہا کہ مجھے آپ لوگ اس بات کا جواب دے دیں، یہ ہارنے کی وجہ یہی ہے کہ ہم بریانی کھاتے ہیں، ایسا کچھ بھی نہیں ہے۔
انھوں نے کہا کہ دیکھیں بطور پروفیشنل ہر کرکٹر اپنے آپ کو دیکھتا ہے کہ میں کہاں پر اسٹینڈ کرتا ہوں۔ اگر کوئی بریانی کھاتا ہے اگر کوئی ایسے کام کرتا ہے جس سے ملک کا نام بدنام ہوتا ہے تو ہم اس کے بھی خلاف ہیں۔
Jab jeetty hy to koi nh kehta k bryani khaty he jab har jae to sb kehty hy k ye waja bryani khare hy said Iftikhar Ahmed pic.twitter.com/GvD8MAypqm
— Huzaifa khan (@HuzaifaKhan021) November 2, 2023
واضح رہے کہ آئی سی سی ایونٹ میں پاکستان ٹیم کی لگاتار شکستوں پر تجزیہ کاروں اور سابق کرکٹرز نے کھلاڑیوں کی فٹنس اور مرغن غذائیں کھانے پر تنقید کی تھی۔
